Sakshitv

చావెజ్ మృతికి విజయమ్మ సంతాపం

వెనిజులా అధ్యక్షుడు హ్యూగో చావెజ్ మృతికి వైఎస్ఆర్ కాంగ్రెస్ పార్టీ గౌరవాధ్యక్షురాలు విజయమ్మ సంతాపం ప్రకటించారు. పెట్టుబడిదారీ విధానం పెను సవాళ్లు విసురుతున్న సమయంలో, ప్రజా సంక్షేమం, పేద ప్రజల అభ్యుదయం ప్రభుత్వ విధానాలుగా ఉండాల్సిన అవసరాన్ని చావెజ్, తన 14 ఏళ్ల పరిపాలనలో నిరూపించారని విజయమ్మ ప్రస్తుతించారు. మహానాయకుడు ఫిడెల్ కాస్ట్రో మన్ననలు పొందడమే కాకుండా యావత్ ప్రపంచానికి చావెజ్ స్ఫూర్తి ప్రదాత అయ్యారన్నారు. మహా మనిషి చావెజ్ మరణం తీరని లోటన్నారు.